Posted in Uncategorized on December 27, 2007 | No Comments »
बरसणे येथे घनांचे बंद होते .
पावसाळे आसवांचे बंद होते .
मी जिथे गेलो फुले वेचावयाला,
उमलणे तेथे कळ्यांचे बंद होते .
धूर का आश्वासनांचा आज नाही ?
कारखाने भाषणांचे बंद होते .
घातला हैदोस होता दानवांनी
नेत्र भोळ्या शंकराचे बंद होते .
तू नको दैवास आता दोष देऊ ,
ओठ त्यावेळी कुणाचे बंद होते ?
दाटले होते जरी डोळ्यात पाणी
दार माझ्या पापण्यांचे बंद होते [...]
Posted in Uncategorized on December 14, 2007 | 1 Comment »
कोकीळ का न गाई ?
केली कुणी मनाई..
सरला वसंत आणिक
उध्वस्त आमराई..
गोपाळ काल होते
झाले अता कसाई.
पापास भय कशाचे ?
पुण्याहुनी सवाई..
भावास भाव नाही
परकाच येथ “भाई”..
दारूत धुंद पोरे ,
अश्रूत चिंब आई .
आकाश हे तुझ्या की
डोळ्यातली निळाई!
निवडुंग राहिलो मी
अन तू फुलून जाई..
युद्धे नकोत आम्हा
जगणे इथे लढाई.
दिधला दुवा जगाने
“अभिजीत” ही कमाई..!
– अभिजीत दाते
Posted in Uncategorized on December 8, 2007 | 2 Comments »
