तिच्याविना आहे माझी प्रत्येक मैफ़ल सुनी.
तिला सांगितलंय का कुणी ?
तिला सांगितलंय का कुणी ?
सांगायाचे आज तिला मी रोज ठरवतो,
पण ती येता समोर मजला घामच फ़ुटतो.
ओठावरचे शब्दही जाती ओठांतून परतुनी..!
तिला सांगितलंय का कुणी ?
तिला सांगितलंय का कुणी ?
तिचे बोलणे फ़क्त वाटते ऐकत राहावे.
तिने हासता तिच्या गालची खळीच व्हावे.
तिने आणि तिनेच यावे माझ्या स्वप्नातुनी..!
तिला सांगितलंय का कुणी ?
तिला सांगितलंय का कुणी ?
कधी वाटते असतील आमुची जिवलग नाती,
कधी भासते कुणी दूरची अनोळखी ती.
उगाच मजला छळण्याची की खोड तिची ही जुनी..!
तिला सांगितलंय का कुणी ?
तिला सांगितलंय का कुणी ?
तिलाही कळते सारे मजला ठाऊक आहे
खात्री नाही तरीही आशा अंधुक आहे
भाव मनीचे आज ना उद्या घेईल ती समजुनी..!
तिला सांगितलंय का कुणी ?
तिला सांगितलंय का कुणी ?
- अभिजीत दाते
Abhijeet…
kawita changali jamali ahe . mukhyata ti eka ‘tempo’ var dhawate. Gammat mhanaje hii kawita jari ek prem katha asali tari ticha tempo matra 2 veglya levels cha ahe.
Ek bhavuk ani halwa ani dusra krodh kiwa raagacha.
jyani Ga.Di.Ma ni lihilele Geet Ramayan vachalae ahe tyana hey Gane ‘Sud ghe tyacha lankapati’ chi athavan naakki karun deil.
ani dusra bhavuk….2 ganayachya mixed chali var gata yeto ti gani mhanaje..”shailesh ranade cha maza bolana maza chalana….ani Bazigar cha title song”
var lihilelya 2 veglya moods madhe hi kawita vachta yete hich hya kawitechi takad ani tech vaishishtya suddha.
keep posting!!!